VOV4.Bahnar - Kon jên to\k io\k jang sa to\ se\t mă lei pơnam jang sa kơna oei ke\ yak hlo\h dơnu\h hin păng đei tơdrong er^h sa sơđơ\ng. ‘nau tơdrong tơpă tơ lơ tơring kon kông kơ dêh char Kon Tum. Tơdrong đei to\k io\k kon jên păng tơmơ\t jang sa [lep to\k bo\k jing trong ‘lơ\ng vă rim u\nh hnam ato\k tơ iung lơ\m cho\h jang sa păng đei tơdrong er^h sa sơđơ\ng.

Pơbu\ng hnam klo akăn ‘nho\ng A Hiếu, mo\ Y Kum

Sơng hơvơn tơmoi lơ\m hnam man ‘lơ\ng lie\m, rơgo\h gơ glang đei bơ\n tivi au to hui bơngai tơche\ng akhan đunh kơ au 3 sơnăm u\nh hnam klo akăn ‘nho\ng A Hie#u, mo\ Y Kum oei lơ\m thôn 4, tơring Đak La, apu\ng Đak Ha oei găh lơ\m u\nh hnam dơnu\h. Mo\ Y Kum tơbăt, sơnăm 2013 mo\ đei Khu\l dro\ kăn tơring Đak La pơtho to\k io\k 20 tr^u hlak jên đơ\ng Hơn^h mong jên tơgu\m djru Tơpôl vă rong kơpô yo\ng. Gơnơm chă rong rơvơn păng pơnam jang sa, tru\h sơnăm 2016 u\nh hnam hlôi pơdreo tôm kon jên to\k io\k. To\k io\k dơ\ng 50 tr^u hlak jên đơ\ng hơn^h mong jên, klo akăn ‘nho\ng A Hie#u, mo\ Y Kum, tơmơ\t jên jang pơtăm 1.000 dơnơm chehphe păng hơmet ming pơ ‘lơ\ng 1 ha 5 sao chehphe so. Mo\ Y Kum tơroi găh tơdrong to\k io\k jên yak hlo\h dơnu\h hin kơ u\nh hnan: “Sơ\ u\nh hnam nhôn tôch dơnu\h. Gơnơm kon jên to\k io\k đơ\ng Hơn^h mong jên tơgu\m djru tơpôl kơna mă đei đăi nhen hrei au. Nhôn to\k io\k jên au răt rong kơpô. Hơmet ming pơgar chehphe. Răt kmăi, đing đak chă tơruih chehphe. Hnam nhôn yak hlo\h dơnu\h hin lơ\m sơnăm 2017 păng pơm đei hnam 200 tr^u hlak jên. Dang ei unh hnam er^h sa sơđơ\ng [iơ\ bơih”

Kang [o# Hơn^h mong jên tơgu\m djru tơpôl dêh char Kon Tum pơma dơnu\h hăm mo\ Y Kum

Tơring Đak La, apu\ng Đak Ha, dêh char Kon Tum đei 57% măt bơngai ‘noh kon kông, er^h sa tơ\ 6 lơ\m 10 pơlei kơ tơring. Dôm sơnăm au ki, đơ\ng kon jên to\k io\k atu\m hăm tơdrong iung jang đơ\ng rim khu\l lơ\m bơ\ jang pơro# pơrôp, pơtho tơbăt kon pơlei to\k io\k kon jên tơmơ\t jang sa io\k yua kơ jăp kơna lơ u\nh hnam yak hlo\h dơnu\h hin păng er^h sa đei [o#h. Hrei au, lơ\m 2.000 u\nh hnam kon pơlei kơ tơring đei hlo\h 1.000 u\nh hnam to\k iok jên đơ\ng Hơn^h mong jên tơgu\m djru tơpôl, hăm ako\p kon jên to\k io\k vă je# 40 tr^u hlak jên. Lơ\m au đei 7 ti 700 tr^u hlak jên to\k io\k kiơ\ găh u\nh hnam dơnu\h, 2 ti 700 tr^u hlak jên to\k io\k kiơ\ u\nh hnam vă je# dơnu\h păng hlo\h 400 tr^u hlak jên ăn to\k iok u\nh hnam yak hlo\h dơnu\h hin. {ok Nguyễn Quang Thịnh, Kơdră che\p pơgơ\r tơring Đak La tơroi găh tơdrong io\k jơnei đơ\ng kon jên to\k io\k hăm bơ\ jang tơ jur dơnu\h kơ tơring: “Đơ\ng kon jên to\k io\k đơ\ng Hơn^h mong jên tơgu\m djru tơpôl nhôn tơle\ch ăn kon pơlei mă kăl u\nh hnam dơnu\h păng vă je# dơnu\h chă to\k iok. Tơlech ăn to\k io\k [lep bơngai vă u\nh hnam dơnu\h, vă je# dơnu\h đei to\k io\k jên au vă ako\m tơmơ\t cho\h jang sa. Sơnăm 2016 u\nh hnam dơnu\h 16,1% tru\h dang ei u\nh hnam dơnu\h pă 8,97%. Nhôn to\k bo\k cha\ pơro# pơ rôp kon pơlei tơmơ\t jên jang mă [lep vă yak hlo\h dơnu\h hin păng tơche\ng hơdrol lơ\m vă đ^ sơnăm 2020  iok đei 5% jang keh đang trong pơkăp găh tơ iung pơjing tơring tơrang to\ se\t kơ 7%”.

Trong jang rong rơmo yo\ng yak hlo\h dơnu\h hon kơ m^nh u\nh hnam kon pơlei oei tơ\ pơlei tơm Kon Tum

Kiơ\ ch^h jo# đơ\ng Hơn^h mong jên tơgu\m djru tơpôl dêh char Kon Tum đei [o#h, dang ei hơn^h au to\k bo\k jang 14 tơdrong jang ăn to\k io\k tơgu\m djru tơpôl. Jo# tru\h đ^ khei 8 au ki, ako\m kon jên ăn to\k io\k ‘no\h vă je# 3.000 ti hlak jên. Hơdro# hăm u\nh hnam dơnu\h, u\nh hnam vă je# dơnu\h păng rim bơngai đei io\k yua ăn te\h đak, hơn^h au hlôi ăn to\k io\k đei 620 ti hlak jên ăn hlo\h 15.500 u\nh hnam to\k io\k. {ok Nguyễn Văn Chung, Kơ ie\ng Kơdră che\p pơgơ\r Hơn^h mong jên tơgu\m djru tơpôl dêh char Kon Tum tơbăt, đơ\ng dang ei tru\h đ^ sơnăm 2020 Hơn^h au hơnơ\ng tơle\ch kon jên ăn u\nh hnam dơnu\h to\k io\k tơmơ\t jang cho\h jang sa: “Vă sơđơ\ng ăn tơdrong ‘me\h vă to\k io\k jên đơ\ng kon pơlei, Hơn^h mong jên tơgu\m djru Tơpôl dêh char pơtru\h ap^nh Hơn^h mong jên tơgu\m djru tơpôl Việt Nam tơmơ\t dơ\ng kon jên dang 150 ti hlak jên, adoi gô vă io\k tơ v^h tru\h khei ‘năr pơdreo ‘no\h dang 100 ti hlak jên. {ar tơno# jên au đei dang 250 ti hlak jên vă tơlech ăn u\nh hnam dơnu\h, vă je# dơnu\h, u\nh hnam đei io\k yua ăn te\h đak chă to\k io\k tơmơ\t jang cho\h jang sa, pơm tơle\ch te\ch mơdro tơmam drăm. M^nh tơdrong dơ\ng ‘no\h jang ‘lơ\ng tơdrong jang atu\m anai vang tơgu\m djru, pơtho tơbăt khoa ho\k kih thuơ\t vă pơm lơ liơ rim tơdrong jang au đei jang hơdoi hăm to\k io\k jên tơgu\m djru tơpôl vă kon jên to\k io\k đei tơmơ\t jang io\k yau kơ jăp hlo\h”.

Lơ\m 5 sơnăm au ki, jo# hơto\ u\nh hnam dơnu\h kơ dêh char Kon Tum m^nh sơnăm tơ jur đei 4,05%, lơ\m au găh lơ dôm bơngai dơnu\h ‘no\h u\nh hnam kon kông kơtă. Tơpă yan au đei [o#h, đei lơ u\nh hnam dơnơm to\k io\k đei kon jên mă đơ\ng ư\h kơ lơ ră đơ\ng Hơn^h mong jên tơmơ\t jang sa jơnei kơna mă yak hlo\h dơnu\h hin. Kơ yuơ lơ lo\h, hăm 17.600 u\nh hnam kon kông oei dơnu\h dang ei, khu\l kơdră dêh char Kon Tum to\k bo\k atu\m hăm Hơn^h mong hjên tơgu\m djru tơpôl iung jang hơdoi kơtang tơgu\m djru rim u\nh hnam au đei rơvơn lơ\m to\k io\k jên vă tơmơ\t jang sa ato\k tơ iung mu\k drăm ke\ yak hlo\h dơnu\h hin kơ jăp ‘lơ\ng.

Bơngai ch^h: Khoa Điềm

Tơblơ\ nơ\r: Amazưt