VOV4.Bahnar - Jang kiơ̆ trong bơ̆ jang tơgŭm djru đơ̆ng Đảng, Tĕh đak, lơ̆m dôm năr au ki, Dơnŏ anĭh Đảng dêh char, Jơnŭm vei lăng kon pơlei păng Dơnŏ anĭh vei lăng kon pơlei dêh char Kon Tum lăng ba kơ jăp tơdrong jang vei lăng năng tông atŏk tơ iung tơring kon kông păng lăng ‘nau jing mĭnh lơ̆m tơdrong bơ̆ jang kăl hlŏh vă atŏk tơ iung muk drăm-tơpôl tơ̆ tơring kơ jăp ‘lơ̆ng. Mă hơdăh, Tơdrong jang 135 găh Tơdrong bơ̆ jang Tĕh đak tơ jur dơnuh kơ jăp ‘lơ̆ng jăl jang 2016-2020 hlôi tơgŭm djru hloh 74 ti hlak jên vă pơjing trong hnam, atŏk tơ iung chŏh jang sa, lang să trong jang tơjur dơnŭh, atŏk kơtang jang sa gơ̆h hơgei ăn kon pơlei păng kang ƀô̆ tơring ăn rim tơring tơnap tap hlŏh, tơring sơlam tĕh đak, tơring sơđơ̆ng dơ̆ng kơ jăp, rim pơlei tơnap tap hlŏh. Đảng, Tĕh đak lăng ba trŭh dôm bơngai đei kon pơlei yom lơ̆m tơring kon kông hăm kon jên hu, ƀơk ăn hla ƀăo chă đŏk lăng, pơgơ̆r pơtho tơbăt dôm tơdrong jang au to.

Tơblơ̆ nơ̆r: Amazưt