VOV4.Bahnar  – Hloh 15 xơnăm kơ âu, thôn Tu Thó, xăh Tê Xăng, apŭng Tu Mơ Rông, dêh char Kon Tum athei găn ga 3 'măng yông năm oei tơ̆ anih nai kơlih teh hơlih. 'Nao âu, đei Teh đak tơgŭm jên, axong ming man tơdrong kăl erih xa, jê̆ 140 unh hnam bơngai Xơ Đăng hlôi xơđơ̆ng hăm tơring oei 'nao. Hăm jên axong jang lơ hloh đơ̆ng xơ̆ truh dang ei, apŭng Tu Mơ Rông hlôi tơlĕch yông tôm 139 unh hnam, atŭm hăm noh, ming man keh đang tơdrong kăl nhen dơnâu mong đak xŏ nhă, dăng tơlei unh hơyuh, bơ̆ rông joh ayŏ, hnam trưng mâm non, trong nơnăm tơ̆ pơlei truh tơ̆ mir na... tenh kuăng xơđơ̆ng tơdrong erih ăn kon pơlei. Ƀok A Đê, Kơdră Anih vei lăng kon pơlei xăh Tê Xăng ăn tơbăt, pơkăp truh jê̆ đĭ xơnăm 2021 gô 'nhăk tôm 140 unh hnam truh anih oei 'nao, xơđơ̆ng tơdrong erih jang xa.

Lan chih păng pơre nơ̆r