VOV4.Bahnar - Pơm kiơ\ tơdrong hơvơn  “Pơjing um ai Ko\ng ang kon pơlei dơnưp, rơgei pơm jang yuơ kon pơlei”, khei năr âu ki, tơje# hăm tơdrong tơgu\m đơ\ng khul kơdră kơpal, rim kang [o# linh kơ Anih Kanh sat jang hơlen hành chính găh vei xơđơ\ng tơpôl, Công an dêh char Dak Nông hơnơ\ng che\p vei tơnăp xơnong jang po, dru\t kơtang tơdrong jang hơmet pơ ‘lơ\ng hành chính pơm jang yuơ kon pơlei.

Đei măt tơ\ Anih jang Kanh sat hơlen jang găh hành chính vei xơđơ\ng tơpôl kơ Ko\ng ang dêh char Dak Nông, pơtơm [ôh bang đon bơnôh xơnong jang đơ\ng kang [o# linh tơ\ âu. Hơyuh ‘năr to# hiu, anih pơm jang hrăt hrot, kon pơlei truh kơdra#m, mă lei rim ‘nu kang [o# linh tơ\ âu dăp đon dăp bơnôh pơtho rim bơngai mă hơdăh vă bơ\ hla bar chứng minh nhân dân. Đon bơnôh hơ iă, tơguăt tơguăl pơm ăn lơ bơngai băt ‘mêm. ‘Nho\ng Phan Văn Ngọc, tơ\ xăh Quảng Tân, apu\ng Tuy Đức truh bơ\ hla bar chứng minh nhân dân xơkơ\t: “ ‘Nâu noh ‘măng mă blu\ng inh năm tơ\ dêh char bơ\ hla bar chứng minh nhân dân, inh [ôh khul Ko\ng ang, kang [o# linh pơm jang tôch hơ iă tơnăp”

Oei pơmai Đào Thị Hồng Hạnh tơroi: “Đơ\ng hnam inh năm tơ\ âu ataih pơhlom 40km, đei kang linh pơtho dăp đon dăp bơnôh, muh măt chơt hơ iă, pơm jang dăp đon yuơ kon pơlei”

Hăm hơnăn “Minh năr jang minh tơdrong tơnăp yuơ kon pơlei”, Anih jang Kanh sat hơlen hành chính găh vei xơđơ\ng tơpôl, Ko\ng ang dêh char Dak Nông hlôi pơtho hơdăh hăm rim kang [o# linh găh xơnong jang, đon bơnôh pơm jang dơnưp hăm kon pơlei lơ\m tôm tơdrong jang, lơ\m noh đei tơdrong bơ\ hla bar chứng minh nhân dân. Anih jang duh axong lơ khul jang năm truh rim pơlei pơla ataih yaih, tơring tơnap tap axong bơ\ hla bar chứng minh nhân dân ăn kon pơlei. Atu\m hăm noh jang hadoi hăm Bưu điện vă gơih pơtruh hla bar chứng minh ăn kon pơlei.  

Thiếu tá Cao Văn Hạnh, Kơdră Khul jang axong, vei hơlen chứng minh nhân dân, Anih jang Kanh sat hơlen hành chính găh vei xơđơ\ng tơpôl kơ Ko\ng ang dêh char Dak Nông ăn tơbăt, đơ\ng xơnăm xơ\ truh dang ei, anih jang hlôi axong đei je# 46 rơbâu hla bar chứng minh nhân dân: “Kơdră anih jang hlôi pơtho hơdăh truh rim kang [o# linh, mă kăl noh dôm bơngai jang xơng pơma dơnuh hăm kon pơlei, athei dăp đon dăp bơnôh tơgu\m kon pơlei lơ\m tơdrong bơ\ hla bar chứng minh nhân dân, tôm noh pơm jang yuơ kon pơlei; khul jang duh hlôi pơgơ\r bơ\ axong hla bar chứng minh truh tơ\ anih vei lăng kon pơlei xăh, bơ\ tơroi tơbang vă hiôk hloh ăn đe oh ho\k tro păng kon pơlei gơh bơ\ tơ\ xăh hloi”.

Hăm đon bơnôh “Minh năr jang minh tơdrong tơnăp yuơ kon pơlei”, kang [o# linh hơlen hành chính găh vei xơđơ\ng tơpôl kơ Ko\ng ang dêh char Dak Nông hlôi tơgop pơm pơ ‘lơ\ng um ai bơngai linh Ko\ng ang dơnưp lơ\m đon bơnôh kon pơlei.

Lan chih păng rapor