VOV4.Bahnar - Tơjră pơhlu\ pơhlôm păng tơdrong jang io\k tơdrong kiơ\ lui ngua vă pơm kơne# jing tơdrong kăl kơ xek tơlang. Kơlih tơdrong pơrăm đơ\ng khul kơne# kiơ\ trong “xơnong hiôk hian kiơ\ lui ngua lơ\m pơkăp kơluơ\t teh đak” đei tơre\k kơtă truh tơdrong xơđơ\ng ch^n tr^, pơm tơjur dôm tơdrong đei jơnei lơ\m tơplih jang ‘nao đơ\ng Đảng, Teh đak păng kon pơlei bơ\n. Yuơ noh, kơchăng hăm tơdrong pơhlu\ pơhlôm đơ\ng khul ayăt kơne# io\k xơnong âu vă pơchu\t kon pơlei kon kông iung tơjră Đảng, Teh đak jing xơnong jang hơnơ\ng păng đunh đai.

Đơ\ng xơ\ truh dang ei, xơnong hiôk hian kiơ\ lui ngua, hơnơ\ng jing tơdrong mă khul ayăt kơne# io\k vă tơle\ch pơhlu\ pơhlôm “pơrăm tơdrong rơngei hiôk hian” hăm Việt Nam. Lu xư lăng noh jing minh tơdrong kăp g^t pơjing tơdrong pơđep đơ\ng ‘nguaih, atu\m hăm noh pơchu\t dôm tơdrong pơm tơjră lơ\m lăm. Tơ\ tơring kon pơlei kon kông, đe xư ako\m lơ\m minh [ar tơdrong jang tơm nhen tơ\ hơla âu :

Mă mônh noh, io\k găh hnưr erih, hơgăt teh păng tơdrong erih tơnap tap đơ\ng kon pơlei kon kông vă tơpu\ tơhlâu Teh đak bơ\n "tơklăh oei xa”, “pơjuă", pơđep kon kông athei “hu\t le# kiơ\ lui ngua, hu\t le# joh ayo\ kon kông” vă pơchu\t, tơdui kon pơlei vang ako\m pơm greo, pơm tơxu\l tơxa\l. Khul ayăt kơne# oei io\k tơdrong ưh jang tơnăp lơ\m tơdrong jang kiơ\ pơkăp găh kon kông, tơdrong kiơ\ lui ngua, xek tơlang dôm tơdrong tơkêng tơhlâu... tơ\ tơring kon pơlei kon kông vă hơpăh jên, tơdui dôm bơngai đei đon kơne# pơm tơxu\l tơxa\l tơpôl ch^n tr^, pơm tơxu\l tơxa\l tơpôl lơ\m tơring.

Mă [ar noh, đe xư io\k tơdrong erih kon pơlei oei kơđeh vă chă tơroi pơtho găh tơdrong lui ngua glăi kơluơ\t, kiơ\ đơ\ng noh pơlung tơdui kon pơlei kon kông kiơ\ lui Tin lành Đêgar ; Dương Văn Minh, lui kơ Bà Cô Zợ... Kiơ\ đơ\ng tơdrong pơtho kiơ\ lui ngua, dôm bơngai âu hrơ hrau tơdrong ch^nh tr^ vă tơjră hăm trong pơkăp tơguăt tơguăl kon pơlei đơ\ng Đảng păng Teh đak bơ\n. Hơdăh noh, đe xư pơchu\t kon pơlei kon kông ưh đei pơm kiơ\ tơchơ\t rơneh hơ ioh lơ\m unh hnam, ưh đei vang jang lơ\m dôm anih jang ch^nh tr^ păng dôm tơdrong jang yuơ jơnu\m pơgơ\r tơring tơle\ch... vă tơdui kon pơlei le\ch đơ\ng tơdrong vei hơlen đơ\ng jơnu\m pơgơ\r tơring, pơm rơdu tơdrong jang kơ jơnu\m pơgơ\r tơring. Trung tă Y Thu Êban, Pho\ kơdră Anih vei Xơđơ\ng tơpôl, ko\ng ang dêh char Đăk Lăk ăn tơbăt: “Đe xư io\k tơdrong akhan Teh đak, jơnu\m pơgơ\r tơring âu pơjuă kon pơlei, pơjuă tơdrong kiơ\ lui ngua, ưh axong chă hơko\m khop, đang kơ noh tơpu\ yoch hăm jơnu\m pơgơ\r tơring, pơm yoch tơdrong rơngei hiôk hian găh xơnong pơm tơm kơdih, io\k pơđ^ teh, pơchu\t ako\m pơm greo. Đe xư yua đie#n thoăi, kơthơ dăh mă kiơ\ đơ\ng ‘nho\ng oh vă chă tơroi pơchu\t tơdui …”

Mă pêng noh, đe xư pơjing "tơdrong lui ngua kơdih" ăn kon pơlei kon kông nhen "Tin lành Đêgar" tơ\ Tây Nguyên; "Tin lành kơ bơngai Mông" tơ\ Tây Bắc, "Phât yăo kơ bơngai Khmer" tơ\ Tây Nam Bộ… Kiơ\ đơ\ng noh, chă ako\m tơdui kon pơlei kon kông kiơ\ tơdrong lui ngua đe xư, đang kơ noh pơlung kon pơlei pơgăn tơdrong jang kiơ\ pơkăp kơluơ\t teh đak, pơm tơxu\l tơxa\l ch^nh tr^, tơpôl tơ\ tơring.

Vă tang găn păng tơjră tơnăp dôm tơdrong pơm âu, rim anih jang kơpal athei băt hơdăh, hơlen băt adrol tang găn tơtom tơdrong pơhlu\ io\k tơdrong kiơ\ lui ngua vă ako\m pơm greo, teh dong ; xek tơlang keh kong dôm tơdrong “tơxu\l tơxa\l” đơ\ng tơring, xek tơlang dôm tơdrong tơnap tap tơre\k truh xơnong pơyua ăn kon pơlei, tang găn tơdrong tơjruh kue mă le# đơ\ng ‘nguaih io\k tơdrong noh vă chă pơchu\t phă pơrăm.

Hơto\k tơroi pơtho hlôh vao đơ\ng kang [o#, đảng viên păng kon pơlei găh xơnong kơ kon pơlei kon kông kiơ\ kơluơ\t pơkăp găh tơdrong pơhlu\ pơhlôm io\k tơdrong âu vă phă pơrăm Việt Nam, vă hơto\k tơdrong kơchăng, ưh đei mơ\ng kiơ\ nơ\r khul kơne#, ưh đei le# khul kơne# io\k pơyua ăn đe xư, mă athei kơdih pơm kiơ\ [lep dôm tơdrong tơchơ\t đơ\ng Đảng, trong pơkăp jang đơ\ng luơ\t Teh đak găh kon pơlei kon kông, tơdrong kiơ\ lui ngua.

Kiơ\ Trung tă Hoàng Thành Sơn, Pho\ kơdră ko\ng ang apu\ng Chư\ Kuin, dêh char Đăk Lăk, vă đei anih kơjăp ăn tơdrong tơjră âu, bơ\n kăl pơjing đei "đon lui hăm kon pơlei" kơjăp, tơguăt kon pơlei jing minh jơnu\m tơguăt tơguăl, mă hăt noh lơ\m tơpôl kon pơlei kon kông kiơ\ dôm tơdrong lui ngua, xơkơ\t ăn kon pơlei hơnơ\ng pơm kiơ\ pơkăp erih tơnăp hăm tơpôl, tơnăp hăm tơdrong kiơ\ lui ngua : “Kon pơlei lăng phim tơroi tơbăt, mơ\ng kiơ\ đe mu\k sư, đang kơ noh rim bơngai mă đei lui yom lơ\m pơlei pơla po, đe xư tơblang hơdăh ăn kon pơlei hlôh vao hloh, mă kăl noh tơre\k truh tơdrong pơhlu\ pơhlôm đơ\ng khul kơne#, nhôn lăng tơg^t găh tơdrong jang hơvơn rim bơngai, mă kăl noh hăm bơngai mă kon pơlei lui yom, đe mu\k sư, khul kơdră pơgơ\r tơdrong kiơ\ lui tin lành lơ\m tơring vă jang hadoi hăm tơring lơ\m tơdrong jang hơvơn tơroi ăn kon pơlei.”

Atu\m hăm noh, bơ\n athei che\p vei xơnong jang kơpal, jơnu\m pơgơ\r tơring, jang kiơ\ tơnăp tơchơ\t hơto\k mu\k drăm tơpôl mă kơtă noh tơchơ\t jang găh kon pơlei kon kông, tơdrong kiơ\ lui ngua ; hơnơ\ng hơto\k pơ ‘lơ\ng tơdrong erih mu\k drăm, đon bơnôh ăn kon pơlei tơ\ tôm tơring teh kơ teh đak.

Păng hloh kơ đ^ đăng, kon pơlei kon kông jing anih kăp g^t lơ\m tơdrong tơjră pơm tơpăi đon pơhlu\ pơhlôm io\k tơdrong kiơ\ lui ngua vă pơchu\t tơjră pơrăm Đảng, Teh đak kiơ\ tơdrong hơdral, kơchăng hăm tơdrong pơhlu\ kơne# đơ\ng khul ayăt, vang jang kơjăp lơ\m tơdrong hơlen [ôh băt dôm bơngai pơm kơne# vă dăh tom tơgu\m ăn jơnu\m pơgơ\r tơring iung tơjră păng tơgăn tơdrong kơne# truh.

 Lan chih păng rapor