VOV4.Bahnar - Đơ̆ng năr 1/4/2021, kơtheh ƀao hiêm y tê̆ hơ loăi ‘nao đei tơplĭh ‘nao ‘lơ̆ng hơ iă ăn bơngai răt yua, mă kăl lơ̆m khei ‘năr athei ƀơk ăn kơtheh, vei lăng păng iŏk yua vă chă khăm ming hơmet jĭ jăn hăm ƀao hiêm y tê̆. Kiơ̆ kơ ‘nŏh, Ƀao hiêm y tê̆ kơ loăi ‘nao hăm iĕ ‘lơ̆ng nhen kơtheh kăn kươk kon pơlei păng minh ƀar kơ loăi kơtheh ATM kơ rim hơnih mong jên, đei pơklep plastic lăp đơ̆ng rŏng in tơlĕch, sơđơ̆ng ‘lơ̆ng ăn vei răk păng iŏk yua. Mah kơsô̆ kơtheh lăp pă 10 chư kơsô̆, tơplih ăn 15 chư kơsô̆ nhen kơtheh ƀao hiêm y tế hrei au. Kơ loăi kơtheh ƀao hiêm y tê̆ hle đei chĭh tơbăt sơnăm răt yua ƀao hiêm tơpôl, ƀao hiêm y tê̆ kơ bơngai răt yua. Tơdrong kăl hlŏh dơ̆ng nŏh, mư̆h bơngai răt yua ƀao hiêm y tê̆ iŏk yua kmăi kmŏk ƀao hiêm tơpôl kơsô̆-VSSID, mư̆h năm khăm ming hơmet jĭ ư̆h kơ kăl hơnhăk kơtheh ƀao hiêm y tế kơ yuơ rup kơtheh ƀao hiêm y tê̆ hlôi đei phĭn tơmơ̆t lơ̆m kmăi kơmŏk.

Tơblơ̆ nơ̆r: Amazưt