Lơ̆m choh jang sa, choh pơtăm ƀa Phang păng puih phang đei tơlĕch jang ƀlep tơdrong. Pơm tơlĕch kơmăy kơmŏk pơvei tŏk hăm kơsô̆ vă jê̆ 16% pơting hăm khei ‘nâu sơnăm hơdrol. Tơdrong jang tơmang lăng tơlĕch jang ‘lơ̆ng iŏk đơ̆ng blŭng sơnăm.

Ƀok Tạ Anh Tuấn, Kơdră Anih vei lăng kon pơlei dêh char Đắk Lắk pơma hơdăh athei rim anih jang, tơring athei bơ̆jang kơtang, rơđăh tơdrong, rơđăh trong jang iŏk đơ̆ng blŭng khei, jăl khei blŭng kơ sơnăm 2026; lăng tơlĕch jên tơmơ̆t jang kơ teh đak ‘noh jĭ hơnăp jang chĭnh trĭ tơm, tơklep hơnăp jang bơngai chĕp kơ̆l hăm iŏk yua bơ̆jang. Ƀơ̆t măt, athei akŏm ‘lơ̆ng hloh ăn tơdrong jang hiơ̆k bơngơ̆t Tết Nguyên đán Bính Ngọ, vei sơđơ̆ng rim bơngai đei sa Têt sơđơ̆ng hiôk ngăl.