Tơdrong tơlĕch jang đei jên asong jang 1.032 tih hlj, đei chă hơmet tôm trong păr tŏk jur; trong kơdou gơ̆t, trong vei sơđơ̆ng ăn gre păr (RESA), unh pơchră păng kơmăi kơmŏk vei sơđơ̆ng ăn tơdrong păr. Tơdrong jang kih thuơ̆t mă tơm noh tơplih lê̆ bê tông như̆a hăm bê tông xi măng vă hơtŏk tơdrong kĕ pŭ trăp, iŏk yua đunh sơnăm hloh.

Tơdrong ming hơmet vei sơđơ̆ng kơjăp, pơtoi tơdrong iŏk jang sơđơ̆ng kiơ̆ thoi nhen pơkăp jang truh sơnăm 2030, pơkăp truh sơnăm 2050. Liên Khương jĭ 'măng mơ̆t lĕch kơ hơnih jang gre păr kơ Tây Nguyên, mă hlôi đei jê̆ 3 triu 'nu tơmoi truh rim sơnăm, hloh kơ tơdrong pơkăp mă blŭng.