Bơngai tăh hla hôn bơnê kơtang tơdrong bơ̆ jang kơ rim bơngai đei hơnăn ăn pôk tơmơ̆t pơm kơdră tang măt Kuô̆k hô̆i jăl XVI, hơmŏ rim bơngai tang măt gô tang măt ăn jơhngơ̆m đon, tơdrong hơpơi ‘meh vă đơ̆ng kon pơlei păng iung jang đĭ jơhngơ̆m hăm rim nơ̆r pơkăp đơ̆ng rŏng iŏk đei pơm kơdră tang măt. Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, bơngai tang măt kăl đei kon pơlei lăng hơlen păng drơ̆ng nơ̆r kiơ̆ ‘măng pơgơ̆r; hơnăp jang kơ Kuô̆k hô̆i iŏk đơ̆ng kon pơlei păng kăl pơvih pơvăn ăn kon pơlei. Ƀok pơkăp tơdăh đei pôk tơmơ̆t gô iung jang tôm tong trong tơlĕch jang, hơnơ̆ng tơroi tơbăt, tơblang hơdăh tơ̆ hơnăp bơngai tăh hla, lăng tơdrong đei iŏk yoa kơ kon pơlei ‘noh kăl hloh, lăng jơhngơ̆m đon lui yom kơ kon pơlei ‘noh hơnăp jang kăl hơdrin iung jang keh đang ‘lơ̆ng hloh.