Tơdrong vă jang hlôi đei Hơnih tơm Chinh trĭ pơdrơ̆ng nơr, pơjao ăn hơnih bơ̆ jang chĕp pơgơ̆r hơnơ̆ng pơm pơkeh vă pơtruh ăn Hop akŏm ‘măng mă 2 Khul kơdră chĕp pơgơ̆r Trung ương Đảng jăl XIV. Đơ̆ng rŏng tơgoăt iŏk nơ̆r tơgop, trong vă pơjing hlôi sơkơ̆t hơdăh dôm tơdrong jang păng hơnăp jang kơ khul kơdră chĕp pơgơ̆r đảng, hơnih bơ̆ jang đảng, kang ƀô̆, đảng viên lơ̆m bơ̆ jang chinh trĭ jơhngơ̆m đon. Pơma pơtôch jơ bơ̆ jang, Tổng Bí thư pơma hơdăh, tơdrong kăl kơ bơ̆ jang ou, athei kăl tơpă yak hơdrol plôih trong chong glung, jang hơdoi kơjăp ƀar păh tơ iung pơjing păng tang găn, iŏk tơdrong lui yom kon pơlei pơm ‘long pơtŏ bơ̆ jang ‘lơ̆ng; adoi pơjing trong jang tôm tong vă tơdrong bơ̆ jang jơhngơ̆m đon ‘lơ̆ng đei jing trong pơkăp hơlen dôm tơdrong bơ̆ jang ‘lơ̆ng kơ kang ƀô̆.