Tơ̆ hop akŏm, rim bơngai lĕch măt tơgar tơroi gah tơdrong pơm jang kơ po, akŏm lơ̆m tơdrong vang chih khôi luơ̆t, hơtŏk tơdrong hơlen, tơlĕch trong jang vă hơtŏk mŭk drăm tơpôl, hơmet 'lơ̆ng hanh chĭnh, tơgŭm hơnih jang mŭk drăm păng hơtŏk tơdrong hơrih ăn kon pơlei.

Rim bơngai lĕch măt tơgar sơkơ̆t hơdah mưh đei pôk jang gô jang tôm sơnong jang kơ bơngai tang măt ăn kon pơlei, hơnơ̆ng tơguăt hăm bơngai tah hla, tơroi tơpăt trŏ tơdrong hơpơi 'meh đơ̆ng kon pơlei truh Kuô̆k hô̆i. Phŏ Kơdră Kuô̆k hô̆i Nguyễn Khắc Định ră hơdah, mưh đei kon pơlei pôk jang tang măt gô pơtoi tơgop kơ̆l 'ngok, tơdrong hlôh vao lơ̆m tơdrong chih akŏm khôi luơ̆t, hơlen kơjăp păng tơchơ̆t dôm tơdrong kăp gĭt kơ teh đak, vei sơđơ̆ng sơnong pơyua trŏ ƀlep ăn kon pơlei.