Kiơ̆ Tơchơ̆t đơ̆ng Kơdră teh đak, ƀok Thái Đại Ngọc đei pôk Mê đai kơlih hlôi đei lơ tơdrong jang hơgei hloh lơ̆m tơdrong pơtho pơhrăm kơchăng tơblah, pơjing Khul linh, hơmet vei sơđơ̆ng tơpôl, tơgop kăp gĭt lơ̆m tơdrong jang tơ-iung pơjing păng vei lăng Teh đak.

Pơma ah jơ lêh, Thượng tướng Huỳnh Chiến Thắng, Phŏ Kơdră Tơgŭm jang ăn Khul linh kon pơlei Việt Nam sơkơ̆t hơdah, hăm kơchư̆k jang 'nao, ƀok Thái Đại Ngọc pơtoi vei tơnăp đon bơnôh bơngai kan ƀô̆ khul linh, hăm sơnong jang tơnăp, atŭm hăm Khul jang Tĭnh uy Gia Lai pơgơ̆r pơm jang đei jơnei dôm sơnong jang chinh trĭ. Atŭm hăm noh, tơrĕk pơjing Hơnih jang Đảng hlăng 'lơ̆ng, kơjăp kơtang, hơtŏk mŭk drăm – tơpôl.