Thủ tướng Phạm Minh Chính pơma hơdăh Việt Nam ling lang năng kăl păng ‘măn tơdrong tơgŭm dêh hlŏh ăn tơdrong pơvei gĭt kăl Việt Nam - Lào păng vă hơnơ̆ng tơgŭm ăn teh đak Lào pơjing tơdrong jang muk drăm kơdih, atŏk tơiung khul bơngai jang rơgei; atŭm hăm ‘noh athei 2 păh hơtŏk tơdrong pơvei, tơguăt hơdai 2 anih jang mŭk drăm, vang jang hơdoi, roi tơƀôh ăn băl dôm tơdrong kăl vă jang tŏk, hơnhăk ba tơdrong đei yoa ‘lơ̆ng ăn kon pơlei 2 teh đak.

Thủ tướng tơchĕng ‘lơ̆ng tơdrong jang hơdoi roi đunh roi kơjăp, đei yoa, đơ̆ng 2 Anih tơm jang tơbôl mưh tơlĕch jang kiơ̆ dôm tơdrong drơ̆ng nơ̆r jang hơdoi hăm lơ tơdrong ‘lơ̆ng, đei yoa, vang tơgop gĭt kăl vă vei kơjăp păng tưk tơiung tơdrong pơvei kăp gĭt đơ̆ng 2 Đảng, 2 teh đak păng kon pơlei Việt Nam - Lào.