Pơma pơgơ̆r ah Hop akŏm, Kơdră teh đak bơ̆n Lương Cường, sơkơ̆t hơdah sơnăm ou ki, Hơnih jang Kơdră teh đak hlôi đei lơ tơdrong hơdrin hơmet tơnap tap, jang hơdoi hăm dôm hơnih jang đei tơrĕk lơ̆m sek tơlang tơdrong jang đei ƀôh hơnơ̆ng, tơgŭm ăn Kơdră teh đak, Phŏ Kơdră teh đak keh đang tơnăp sơnong jang đei pơjao.

Ră hơdah yak ah sơnăm 2026 tơdrong jang tơlĕch hăm Hơnih jang roi năr roi kăl, tôm tơdrong păng kơhret hloh, lơ̆m khei năr tơdrong jang lơ, pơih să tơring, Kơdră teh đak pơgơ̆r hăm Hơnih jang Kơdră teh đak pơtoi iŏk yua dôm tơdrong jang đei jơnei; akŏm hơtŏk hơbĕch hloh ăn tơdrong jang tơgŭm, vei sơđơ̆ng pơm jang tơtom, hơdah, dôm tơdrong jang kơ ƀok Kơdră teh đak, Phŏ Kơdră teh đak; atŭm hăm noh kơchăng tơgŭm, jang hơdoi kơjăp hăm dôm hơnih jang đei tơrĕk lơ̆m tơdrong tơlĕch jang kiơ̆ tơchơ̆t đơ̆ng Đảng, Teh đak tơguăt hăm pơm kiơ̆ Tơchơ̆t Hop akŏm mă 14, tơgop vei sơđơ̆ng chinh trĭ, hơmet đon lui đơ̆ng kon pơlei, pơjing trong jang kơjăp ăn tơdrong tơplih 'nao, tơ-iung pơjing păng vei lăng teh đak.