Mă hơdăh jĭ hŏk tro Đắk Lắk iŏk đei 114 yaih tơ̆ ‘Măng thi rơih hŏk tro rơgei lơ̆m teh đak jăl THPT, đei 3 yaih như̆k, 21 yaih ƀar, 34 yaih pêng păng 56 yaih pơčhơp jơhngâm. ‘Nâu jĭ tơdrong jơnei kơjung hlŏh đơ̆ng sơ̆ truh dang ei, hơnhăk Đắk Lắk tŏk dơ̆ng mă 12 lơ̆m 34 dêh char, plt.

Tơ̆ tơdrong thi Khoa hŏk - Ki thuơ̆t lơ̆m teh đak, hŏk tro đơ̆ng dêh char iŏk đei 1 yaih ƀar, 1 yaih pêng păng 3 yaih puăn. 2 Tơdrong jang “Pơm tơlĕch tơmam sinh hŏk ya hơkar đơ̆ng kơđoh sầu riêng” păng “Hơmet ming rup so kơ anih gru groa lơ̆m kơmăy sô̆ tơ̆ Anih ‘măn răk tơmam” oei iŏk đei Mê đai măih WICO 2026 tơ̆ Seoul, Hàn Quốc. Ƀlep ƀât ‘măng mă âu, dêh char pôk pơ ư, hơpăh tơmam ăn đe hŏk tro păng thây kô vang pơtho tơƀôh ăn đe oh hŏk tro iŏk đei yaih âu hai.