Kiơ̆ tơchơ̆t đơ̆ng Hơnih jang Đảng dêh char Đăk Lăk, Đảng ƀô̆ Hơnih jang Măt trâ̆n tô kuô̆k păng dôm jơnŭm jang tơpôl dêh char Đăk Lăk đei 9 hơnih jang đảng oei lơ̆m hơnih jang, hăm 315 đảng viên. Honh jang Tĭnh uy pôk ƀok Y Giang Gry Niê Knơng, Phŏ Ƀĭ thư Tĭnh uy, Kơdră Hơnih jang Măt trâ̆n Tô kuô̆k Việt Nam dêh char, iŏk jang Ƀĭ thư Đảng uy jăl jang 2025-2030. Đảng ƀô̆ Jơnŭm vei lăng kon pơlei dêh char Đăk Lăk đei 4 hơnih jang đảng oei lơ̆m hơnih jang, hăm 60 đảng viên.

Yă Cao Thị Hòa An, Phŏ Ƀĭ thư Hơnih jang Tĭnh uy, Kơdră Jơnŭm vei lăng kon pơlei dêh char, đei pôk jang Ƀĭ thư Đảng uy Jơnŭm jang vei lăng kon pơlei dêh char jăl jang 2025-2030. Atŭm hăm noh, Ƀan châ̆p hanh Đảng ƀô̆ dêh char Đăk Lăk tơchơ̆t tơplih hơnăn Hơnih jang Tuyên yăo păng Pơrô̆ pơrôp Tĭnh uy jing Hơnih jang Tuyên yăo Tĭnh uy;  tơdrong jang pơrô̆ pơrôp đei pơjao ăn Đảng uy Hơnih jang Măt trâ̆n Tô kuô̆k păng dôm jơnŭm jang tơpôl dêh char. Ƀar hơnih jang đảng 'nao tenh kuăng keh đang pơkăp pơm jang, asong sơnong jang mă hơdah, vei sơđơ̆ng tơdrong pơgơ̆r jang gơh sơđơ̆ng păng trŏ nhen tơchơ̆t tơlĕch.