'Măng pơm jang akŏm lơ̆m Tơdrong jang “Hơtŏk tơdrong kĕ tơjră đơ̆ng choh jang xa pơkăp iĕ hăm vei sơđơ̆ng đak yuơ đơ̆ng tŏ 'mi kial tơplih tơ̆ tơring Tây Nguyên păng Pơbah Tŏk bŏk” (SACCR) păng Tơdrong jang “Hơtŏk, ming man pơnơ̆ đak 'măn ruih ăn 'long pơtăm tơ̆ kông” lơ̆m Tơdrong tơlĕch jang “Hơtŏk jang iŏk yua tơnăp đak ăn dôm dêh char ƀơm răm yuơ đơ̆ng tŏ pơđang” (WEIDAP) yua jên tŏk iŏk đơ̆ng Hơnih mong jên Hơtŏk tơ-iung Châu Á (ADB). Đơ̆ng rŏng 5 sơnăm tơlĕch jang tơ̆ Đăk Lăk, Tơdrong jang SACCR hlôi tơgop hơtŏk tơdrong hơbĕch pơtrŏ hăm tŏ 'mi kial tơplih, hơtŏk trong jang xa păng tơgŭm sơkơ̆t trong hơtŏk choh jang xa ưh đei tơpăr hơyuh 'mê̆ ăn kon pơlei tơ̆ tơring.

Mă lei, lơ tơdrong jang kăp gĭt kơ tơlĕch jang, mă kăl noh tơdrong ming man anih ƀôm đak pơtơm asong hloh 41 tih hlj, tam mă hơtŏ 4% kơsô̆ jên ODA. Tơ̆ jơ pơm jang, tang măt ăn UNDP tơ̆ Việt Nam bơnê kơ tơdrong hơdrin đơ̆ng dêh char Đăk Lăk lơ̆m iŏk jang tơdrong tơlĕch jang, atŭm hăm noh ră hơdah, ou jĭ tơdrong jang kăp gĭt hăm vei sơđơ̆ng đak păng tơdrong jang xa ăn kon pơlei. Tang măt ăn UNDP pơtruh nơ̆r hăm Đăk Lăk dah tenh kuăng keh đang hla bar hơmet tơdrong jang, dah hrôih tơchơ̆t dôm hla bar kăl tơrĕk truh tơdrong hơmet kơjă păng pơdui khei năr pơm jang tơdrong tơlĕch jang ou truh hơtuch sơnăm 2027.