Pơma pơtôch ‘măng bơ̆jang, Kơdră Quốc hội Trần Thanh Mẫn drơ̆ng nơ̆r tơdrong tơmơ̆t hơdai 2 Anih pơgơ̆r jang jing mĭnh; tơtă kơ Anih pơgơ̆r jang athei jang kiơ̆ tơdrong jang, ưh kơ lê̆ tơdrong jang hiơ̆, klui; hơdai hăm băt hơdăh hơnăp jang đơ̆ng kơdih, khŭl jang, khŏm bơ̆jang kiơ̆ trong jang bu ưh kơ vang jang, ưh kơ pơm lăp hăm ‘meh vă găh tơplih kơ sô̆ ‘noh dơ̆ng tơ̆ 1 păh.

Găh pơtôch bơ̆jang kiơ̆ Tơdrong jang “Kon pơlei gơh yua kơmăy kơsô̆ - Quốc hội kơsô̆”, Kơdră Quốc hội athei kăl kơ đei păr ang jơ̆p khŭl jang chĭnh trĭ mưh đei tôm tơdrong hiôk; hơdai hăm ‘noh, hơnơ̆ng tơlĕch jang dôm hla ar kăl găh tơdrong jang kơsô̆ ăn kang ƀô̆, bơngai jang teh đak lơ̆m Quốc hội vă vei sơđơ̆ng dôm tơdrong hlôh vao, gơh băt âu đei kơjă kăp gĭt iŏk yua ‘lơ̆ng.