Kăp gĭt Lêh plang hlôt nhang, ƀlŏk tơbăt kơ Linh lôch tang Gạc Ma
Thứ năm, 08:20, 14/05/2026
Lan chih tơblơ̆
Lan chih tơblơ̆
VOV.Bahnar – Pơgê năr 13/5, Tơ̆ Hơnih soi ƀlŏk kơ linh lôch tang Gạc Ma (dêh char Khánh Hòa), Khul pơm jang kơsô̆ 17 năm hơpong ngôi păng pơm jang tơ̆ minh ƀar achon teh lơ̆m Tơring Trường Sa (dêh char Khánh Hòa) păng Hnam hơdrơ̆h DK1 hlôi pơgơ̆r lêh plang hlôt nhang ƀlŏk tơbăt kơ 64 kang ƀô̆ linh Đuk kon pơlei Việt Nam hlôi lôch tang lơ̆m 'măng tơblah Gạc Ma ah năr 14/3/1988.
Khul pơm jang kơyuơ Đại tá Nguyễn Duy Thiều, Phŏ Kơdră Pơgơ̆r gah tơdrong jang Asong tơmam xa – Kih thuơ̆t, lơ̆m Hơnih tơm asong tơmam xa – Kih thuơ̆t Khŭl linh Duk chĕp kơ̆l khŭl kơpal kŭp jom plang pơkao, hlôt nhang tơ̆ hơnih rup man ƀlŏk tơbăt kơ “Dôm bơngai lôch tang tơ̆ jơ̆ng 'năr”, 'măn minh pơnĭt vă ƀlŏk hơdơ̆r păng pơtruh nơ̆r hmach bơnê hăm tơdrong plang nuih mơng đơ̆ng 64 kang ƀô̆, khul linh Duk kon pơlei Việt Nam.
Tơdrong akŏm tơƀôh hơdah đon bơnôh “Nhă đak ƀlŏk kơ tu”, pôk bơnê kơ dôm bơngai kon gơh hơgei kơ kon pơlei hlôi plang sơnăm mơlôh păng sĕch pham po ăn tơdrong jang vei lăng kơjăp achon đak dơsĭ kơ teh đak.
Viết bình luận