Anih vei lăng kon pơlei dêh char Đắk Lắk oei chih tơlĕch trong chơ ba vih vât sơđơ̆ng ‘lơ̆ng, tơtom, hiôk hian ăn bơngai jang. Dang ei tơ̆ 2 dêh char đei dang 150 tŏ gre teh đak (lơ̆m noh Đắk Lắk đei 90 tŏ, Phú Yên dang 60 tŏ), kŭm hăm vă jê̆ 80 tŏ gre gơ̆h thuê đơ̆ng anih juăt chơchuĕn nai.

Tơchĕng adrol jên vă thuê gre chơ chuĕn dang 616 ‘nu bơngai (hơtŏ hăm 70% kơsô̆ kăn ƀô̆, bơngai jang kơ teh đak) pơhlom dang 1 ti hlak jên 1 khei. Jên âu vă iŏk đơ̆ng jên mong tơ̆ tơring, Trung ương vang tơgŭm ăn hai, kŭm hăm tơdrong tơlĕch jên kơdih đơ̆ng kăn ƀô̆, ưh đei tơdrong ‘mĕh vă yak vih vât hơnơ̆ng.