Tơbăt tơ̆ hop akŏm, bơngai tang măt ăn Hơnih tơm vei lăng tơ iung pơjing ming man tơbăt: 5 tơdrong vă jang trong gre rĕnh tơ̆ tơring Tơmăn đak kroong Cửu Long akŏp hơtăih dang 206km. Kiơ̆ pơprŏ gô ming man keh đang lơ̆m sơnăm 2025 păng hrei ou rim tơdrong vă jang đei tơlĕch jang sơđơ̆ng, dôm tơdrong tơnap tap, tơhlăk tơhlĭn hlôi xek tơlang keh đang. Thủ tướng athei rim hơnih jang kăl kơrŭn đĭ ai iung jang ‘lơ̆ng vă bơ̆ jang pơm hla bơar ou to keh đang tĕnh koăng, ăn hla bơar gơ̆h jang, sir iŏk tơmo teh vă trŏ lăp hăm trong tơlĕch jang. Hơnih bơ̆ jang pơm tơ-‘ngla tơdrong vă jang pơrô̆ athei bơngai tơmơ̆t jên jang, hơnih iŏk jang iung jang kiơ̆ pơkăp; atŏk lơ khul jang, kmăi kmŏk vă pơgơ̆r iung jang hơnơ̆ng sơđơ̆ng ming man keh đang rim tơdrong vă jang ƀlep trong tơlĕch ăn, sơđơng hơnih ming man.