Kơdră chĕp pơgơ̆r ƀar dêh char dak Nông hăm Lâm Đồng drơ̆ng mĭnh nơ̆r iung jang tơmơ̆t jên jang ming hơmet jăl trong glung 28 jăl trong Gia Nghĩa – Đắk Som – Di Linh hăm trong hơtăih 104km. Trong ou ji trong kăl hloh vă tơƀưh trong glung 14 hăm Trong gklung 20, iung jang jpơnei tơdrong jang mŭk drăm kơ tơring. Ƀar dêh char jei drơ̆ng mĭnh nơ̆r ming man trong ‘nao đơ̆ng Gia Nghĩa (Dak Nông) truh tơ̆ Bảo Lâm (Lâm Đồng), tơgop pơm đei trong jăl năm truh tơ̆ Bảo Lộc dang 35km, pơm dă ƀiơ̆ gre kơdou lơ tơ trong glung 28, adoi yak kloh klĕch dih băl hơnih tơm jang kmăi kmŏk bô xít Tân Rai hăm Nhân Cơ-ƀar hơnih jang tơm kơ tơring. Rim dêh char jei iung jang dăr kăng hơlen jăl trong gre rĕnh tơƀưh dih băl pơlei tơm Phan Thiết (Bình Thuận) – pơlei tơm Đà Lạt (Lâm Đồng) – pơlei tơm Gia Nghĩa (Đắk Nông) vă rơih trong tơmơ̆t jên jang pơm lơ liơ pơjing đei trong jăl hloh, dă ƀiơ̆ tơhoach lơ kon jên hloh.