Tơchĕng hơdrol đei tơlĕch jang đơ̆ng sơnăm 2025 truh 2028. Kiơ̆ trong jang, Trong gre dêh char kơsô̆ 1 Đắk Nông gô đei pơm hơmet kiơ̆ pơkăp ‘lơ̆ng trong nơnăm kơ̆p III, hăm hơnă trong să 9 mét, măt trong 6 mét, akŏm kơjung vă jê̆ 26km.

Sơnăm 2025, tơchĕng hơdrol vă iŏk 117 ti hlak jên vă tơgŭm hơdrol hơmet dôm trong hư dêh. Tơchĕng hơdrol truh hơtuch sơnăm 2025 gô pơm đang 20–30% tơdrong jang. Trong gre dêh char kơsô̆ 1 dêh char Đắk Nông dang ei tŏk bŏk hư tôch kơ dêh, pơm ăn jơ chơ vih vơ̆t đunh hloh 3 ‘măng, ƀơm ưh kơ ‘lơ̆ng truh oei sa, jang sa đơ̆ng kon pơlei păng đei ƀôh lơ krê hơmơt ưh kơ sơđơ̆ng tơ̆ trong nơnăm.