Tơdrong joh hơri hơxoang tơƀôh dơ̆ng dôm jăl sơnăm gĭt kăl, kơtang nuih mơng đơ̆ng hơdrĕch hơdrung bơ̆n, tơƀôh hơdăh tơdrong kăp gĭt đơ̆ng Tơblăh Jơnei Pơyan Puih mak sơnăm 1975, hăm tơdrong vang akŏm đơ̆ng hlŏh 1.000 ‘nu bơngai juăt joh hơri hơxoang hăm anih hơri đei pơm xă truh 3000m2. 

Hơnơ̆ng đơ̆ng blŭng truh tôch tơdrong hơri hơxoang ‘nŏh jĭ dôm tơdrong tơroi, ƀơ̆r hơri pôk pơ ư tơdrong chĕp kơ̆l pơgơ̆r gơ̆h hơgei, trŏ ƀlep đơ̆ng Đảng, đơ̆ng Ƀok Hô, jơhngâm iung tơblăh kơtang nuih mơng, dôm tơdrong tơblăh jơnei tih đơ̆ng khul linh păng kon pơlei bơ̆n, tơƀôh hơdăh hlŏh dơ̆ng um rup “Ƀô đô̆i Ƀok Hô” lơ̆m tơdrong tơblăh Hồ Chí Minh tôch gĭt kăl kơ jơhnơr arih; tưk tơiung tơdrong juăt đơ̆ng Khul linh kon pơlei Việt Nam kơtang nuih mơng lơ̆m tơdrong tơiung pơjing, vei lăng teh đak, vang tơgop hơnhăk teh đak bơ̆n jang tŏk, mât lơ̆m 1 chăl ‘nao ‘lơ̆ng rŏ. 

Kiơ̆ đơ̆ng tơdrong hơri hơxoang 1 ‘măng dơ̆ng tơƀôh hơdăh tơdrong gĭt kăl hăm jơhnơr arih đơ̆ng Tơblăh jơnei pơyan Puih mak sơnăm 1975; jơhngâm pran đơ̆ng mât 1 ƀơ̆r đon, tơguăt đĭ đăng hơdrĕch hơdrung, hơpơi ‘mĕh rơngei hiôk hian, chĕp kơ̆l pơgơ̆r kơdih đơ̆ng hơdrĕch hơdrung păng đon adrin pơjing đei 1 teh đak kơjăp ‘lơ̆ng.