Đơ̆ng rŏng kơ pơtơm iŏk yua, anih chih akŏm dư lĭu kơ teh đak pơtơm kăt tơjur hô sơ, pơm ƀônh rim hla bar hanh chinh, vă 'măn ăn tơdrong jang pơgơ̆r kơ dôm jăl jang. Năm akŏm păng iung pơma ah jơ lêh, Thủ tướng teh đak bơ̆n Phạm Minh Chính ră hơdah: Anih chih akŏm Dư lĭu teh đak athei jĭ "plei nuih kơ tơdrong jang tơplih kơmăi kơsô̆ teh đak"; athei yuk hơlou tơroh, tơroi păng pơih dư lĭu păng pơjing minh anih akŏm răk dư lĭu sơđơ̆ng.

Thủ tướng pơgơ̆r Anih chih akŏm Dư lĭu teh đak kơsô̆ 1 kăl yak kiơ̆ pơkăp hơtŏk minh tơdrong jang đei jơnei tơnăp hăm  Anih chih akŏm Dư lĭu nai păng jang hơdoi hăm Anih chih akŏm Dư lĭu lơ̆m apŭng plenh teh, hơdrol hloh noh hăm tơring Asean.