Tơ̆ Ratanakiri, đơ̆ng nơ̆r tơroi đơ̆ng ƀok Sêu Than, oei tơ̆ plei Lâm, xah Bọ Nhầy, pŭng Oyadav, khŭl linh tơchă băt hơdăh, hơlen lăng tơring bri Mung Tum, hơtaih kơ pơlei dang 9km tơ̆ găh Hơlĕch, păng sir iŏk akŏm đei 2 kơting linh lôch tang ăn teh đak. Tơ̆ Stung Treng, đơ̆ng nơ̆r tơroi đơ̆ng ƀok Đeng Keo, 67 sơnăm, oei tơ̆ plei Phum Pha Bang, xah Thmor Keo, apŭng Siêm Pang, Khŭl K52 tơchă tơ̆ gah rŏng plei Nhang Sum păng iŏk akŏm đei 1 kơting linh lôch tang ăn teh đak.

Dôm kơting linh tam mă băt hơdăh đei hơnăn, đei băt hơdăh lôch lơ̆m khei ‘năr tơblăh ayăt Mi. Khŭl linh tơchă kŭm chă ƀôh lơ tơmam nhen ƀlak ao, chơ khŏ kơsu, ca-men, pơnhan păng che. Bơ̆jang kiơ̆ Tơdrong jang “500 măng năr”, đơ̆ng ‘năr 13/8 truh dang ei, Khŭl K52, dêh char Gia Lai hlôi sir iŏk akŏm đei 5 kơting linh lôch tang ăn teh đak.