Kiơ̆ kơ ‘nŏh, Anih jang đoan dêh char Lâm Đồng pơjing trong roi tơbăt găh pôk rơih hăm lơ ƀai chih hơtŏk lơ̆m mang; pơgơ̆r lơ tơdỏng jang roi tơbăt trŏ ƀlep, tơtom ăn đe đoàn viên, druh dăm păng kon pơlei. Hơdai hăm ‘nŏh, Anih jang đoan dêh char Lâm Đồng pơjing 535 khul jang tơgŭm hăm hlŏh 6.700 ‘nu đoàn viên, druh dăm đei măt tơ̆ rim tơring lơ̆m dêh char vă tơgŭm ăn tơdrong pôk rơih. Tơdrong jang đơ̆ng druh dăm sơnăm mơlôh Lâm Đồng vang tơgop tưk tơiung đon tơnăp ăn bơngai tăh hla, atŭm hăm ‘nŏh tơgŭm ăn dôm tơring pơgơ̆r pôk rơih sơđơ̆ng, ‘lơ̆ng hơiă, trŏ hăm tơdrong hơgăt.