Tơ̆ jơ pơm lêh, dôm bơngai tang măt hlôi  dan pơkao, soh nhang ƀlŏk hơdơ̆r păng ‘măn pơnĭt kŭp kơ̆l tơƀôh đon kŭp yom, ƀlŏk hơdơ̆r gĭt kăl hăm 64 kang ƀô̆, khŭl lĭnh Đak dơsĭ Kon pơlei Việt Nam hlôi nuih mơng iung tơblăh, hŭt hơkâu lơ̆m tơdrong jang vei lăng tơdrong pơm tơm đak dơsĭ, achon đak dơsĭ gĭt kăl kơ teh đak.

Đơ̆ng rŏng kơ pơm lêh tơbăt, khŭl hlôi soh nhang tơ̆ hơnih Pơsat mơmông, năm tơmang lăng tơ̆ hơnih pơdă tơmam tơ̆ anih tơbăt, hơnih vei răk lơ hla bơ ar, tơmam tơklep hăm tơdrong hơrih păng tơdrong hŭt hơkâu đơ̆ng dôm khŭl lĭnh lơ̆m ‘măng tơblăh vei lăng achon đak dơsĭ Gạc Ma, achon đak dơsĭ Trường Sa, dêh char Khánh Hòa lơ̆m sơnăm 1988. Hơnih soi tơbăt khŭl lĭnh Gạc Ma ‘noh jĭ hơnih kăp gĭt đei tơdrong ‘lơ̆ng gĭt kăl lơ̆m pơtho pơhrăm joăt joe, tơgop pơm hơtŏk jơhngơ̆m đon ‘mêm kơ teh đak, hơtŏk ‘lơ̆ng đon hlôh vao vei lăng tơdrong pơm tơm đak dơsĭ, achon đak dơsĭ ăn rim jơhnơr.