Pơma hơdăh jơhngơ̆m đon hơtŏk lơ̆m khŭl jang, hơdrin kơdih, pơm tơ ‘ngla tơdrong jang, Thủ tướng athei hơnơ̆ng băt hơdăh păng tơdra hơdrol tơdrong, vang jang tơgŭm gĭt kăl hăm Đảng, Teh đak găh khŭl lĭnh, kơmăy kơmŏk khŭl lĭnh, tơ jră, hơmet pơ ‘lơ̆ng hrĕnh, đei yua rim tơdrong, ưh kơ lê̆ đei ưh kơ ê. Tơlĕch jang đei yua hloh dơ̆ng hơdai hăm khŭl lĭnh hăm hơtŏk tơiung mŭk drăm - tơpôl, hơtŏk tơiung dôm tơmam yua hmă, pơyua ăn hơtŏk tơiung mŭk drăm - tơpôl, tơdrong hơrih sa kon pơlei.

Thủ tướng Phạm Minh Chính lui ngeh, hăm tơdrong joăt joe ang hơdăh, jơhngơ̆m đon tơgoăt tơgoăl, tơpăt, tơplih ‘nao, jang tơnăp, khŏm jang đei, Khŭl lĭnh bơ̆n pă jor gô jang đang hơgei hloh rim hơnăp jang đei pơjao, tơgăl păng pơm ‘lơ̆ng tơdrong joăt joe, um rup Ƀô̆ đô̆i ƀok Hồ ‘mĭnh jơhngơ̆m hăm Đảng, chu yom hăm kon pơlei; hơnăp jang hơyơ kŭm jang đang, mơmat tat hơyơ kŭm yak hloh, ayăt hơyơ kŭm tơblăh jơnei”.