Tơ̆ hop akŏm rim kơdră tang măt hlôi tơgop nơ̆r găh Trong vă pơjing Trong pơchoh ăn pơjing khôi luơ̆t jăl jang Kuô̆k hô̆i jăl XVI; trong vă pơjing Tơdrong vă jang “Trong jang kăl pơm pơkeh khôi luơ̆t Việt Nam lơ̆m chăl ‘nao”; Hla bơar tơbăt găh trong bơ̆ jang, trong jang tih vă hơmet pơ ‘lơ̆ng tơdrong tơchơ̆t rim trong bơ̆ jang, pơchoh trong đơ̆ng Đảng găh atŏk tơ iung mŭk drăm ŭnh hnam kiơ̆ Tơdrong tơchơ̆t kơsô̆ 68 đơ̆ng Hơnih tơm Chinh trĭ; Hla bơar tơbăt bơ̆ jang găh trong jang tih vă hơmet pơ ‘lơ̆ng trong bơ̆ jang đơ̆ng Đảng găh sơđơ̆ng rơgoh tơmam drăm sa; Hla bơar tơbăt pơtôch bơ̆ jang pơm pơkeh tơdrong tơchơ̆t, khôi luơ̆t lơ̆m khei năr ou ki păng trong vă jang, tơdrong jang tơm lơ̆m khei năr kơnh.

Pơma pơtôch hop akŏm, Tổng Bí thư Tô Lâm athei rim hơnih bơ̆ jang hơnơ̆ng chă tơchĕng hơlen, tơgoăt iŏk tôm tong nơ̆r tơgop đơ̆ng rim Kơdră lơ̆m Khul kơdră Hơnih chĕp pơgơ̆r păng rim kơdră tang măt vang năm hop akŏm vă hơmet ming rim tơdrong lơ̆m hla bơar tơbăt bơ̆ jang, sơđơ̆ng ‘lơ̆ng, ƀlep hăm trong tơlĕch ăn. Tổng Bí thư athei, găh trong vă pơjing Tơdrong vă jang Pơchoh trong pơjing khôi luơ̆t jăl jang Kuô̆k hô̆i jăl XVI, lơ̆m khei ‘năr iung jang pơm pơkeh Tơdrong vă jang, kăl lăng kơjăp hơmet pơ ‘lơ̆ng đơ̆ng sơnăm 2026 hloi găh dôm tơdrong tơm, tơdrong kăl kơ Tơdrong tơchơ̆t Hop akŏm tih kơdră tang măt lơ̆m teh đak ‘măng mă XIV kơ Đảng.