Thủ tướng akhan, lơ̆m apung plĕnh teh pơjing “Mŭk drăm khul ‘lŏ kră” - mŭk drăm đei ƀơm truh bơngai ‘lo kră-tŏk bŏk jing mĭnh trong atŏk tơ iung kăl hloh kơ kon bơngai. Minh sơnăm lơ̆m apŭng plĕnh teh đei 58 triu ‘nu bơngai yak mơ̆t lơ̆m khul bơngai ‘lŏ kră. Tơ̆ Việt Nam, măt bơngai ‘lŏ kră roi năr roi lơ. Jô̆ truh khei 3/2023 lơ̆m teh đak đei vă jê̆ 17 triu ‘nu bơngai kră, tơpă yan ou ‘nou pơjing đei tơdrong long, tơdrong rơvơn păng jing hơyak tơplih ‘nao trong tŏk muk drăm kơjăp ‘lơ̆ng kơ teh đak.

Thủ tướng tơbăt Trung ương tŏk bŏk tơ iung pơjing Tơdrong vă jang atŏk tơ iung “Mŭk drăm khul ‘lŏ kră” tơ̆ Việt Nam vă pơm hơtŏk đei iŏk yoa, tơdrong hơrih sa ‘lơ̆ng hơ iă ăn đe kră păng pơjing đei tơdrong hơ iă đơ̆ng bơngai kră tơgop lơ̆m atŏk tơ iung mŭk drăm-tơpôl. Hăm tơdrong pơkoel hrei ou, Thủ tướng akhan, kăl ƀôh hơdăh bơngai ‘lŏ kră ‘noh ưh khan jĭ dôm bơngai lăng ba trăp trĭn mă lei jĭ khul gĭt kăl hloh vă atŏk tơ iung teh đak.