Tơdrong kăp gĭt kơ hop akŏm pơkăp lơ̆m tơdrong hơlen gah tơdrong pơgơ̆r pơm kiơ̆ Tơchơ̆t kơsô̆ 01 đơ̆ng Hơnih tơm Chinh trĭ gah hơlen, hŏk pơhrăm, băt hơdah, tơroi tơbăt păng tơlĕch pơm kiơ̆ Tơchơ̆t Hop akŏm 'măng mă 14 kơ Đảng păng Tơchơ̆t kơsô̆ 46 đơ̆ng Hơnih tơm Chinh trĭ gah pơgơ̆r tơdrong pôk rơih bơngai tang măt Kuô̆k hô̆i jăl 16 păng pôk rơih bơngai tang măt Hô̆i đŏng kon pơlei dôm jăl jang 2026 - 2031.

Đơ̆ng rŏng tơmơ̆ng tơroi đơ̆ng Hơnih juăt jang Đảng uy Kuân đoan 12 hăm lơ tơdrong đei jơnei hơdah, pơma pơgơ̆r ah Hop akŏm, ƀok Trần Cẩm Tú pơtruh nơ̆r pơgơ̆r: Mă mônh noh athei pơtoi băt hơdah Tơchơ̆t 01 đơ̆ng Hơnih tơm Chinh trĭ păng hơlen dôm tơchơ̆t pơm jang, pơkăp pơgơ̆r jang, lơ̆m noh pơkăp pơgơ̆r dôm tơdrong jang dơnơm. Mă ƀar, noh jing kơsô̆ tơring pôk rơih, bơngai tah hla kơ kuân đoan năm tah hla noh tơ̆ tơring să. Rim kơdră kơpal athei pơtho băt hơdah, pơm kiơ̆ tơnăp Tơchơ̆t 46 đơ̆ng Hơnih tơm Chinh trĭ hơlen tôm tơdrong jang hơmet ăn pôk rơih vei sơđơ̆ng 'lơ̆ng, pơm kiơ̆ trŏ luơ̆t, trŏ sơnong kơ bơngai tah hla.