Kơchăng đơ̆ng tơring, Đắk Lắk vei sơđơ̆ng ‘lơ̆ng ăn rim hla kơphiê̆u
Thứ năm, 10:18, 12/03/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Tơdrong jang vei sơđơ̆ng ăn tơdrong pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring jăl jang 2026-2031 tơ̆ Đắk Lắk tŏk bŏk đei tơlĕch jang hrơ̆ch, kơtang, vă rim hla kơphiê̆u đơ̆ng bơngai tăh hla đei pơm kiơ̆ lơ̆m hơnih sơđơ̆ng, tơpăt păng trŏ khôi luơ̆t.
Dêh char Đắk Lắk đei hloh 2,4 triệu ‘nu bơngai tăh hla hăm 2.120 hơnih tăh kơphiê̆u. Kiơ̆ kơ Đại tá Lê Hữu Tuấn, Phŏ Kơdră vei lăng Kŏng an dêh char Đắk Lắk, truh jơ năr âu tơdrong jang vei sơđơ̆ng ăn tơdrong pôk rơih lơ̆m dêh char hlôi đei tơlĕch jang hrơ̆ch păng kơjăp.
Khŭl lĭnh kŏng an jang hơdai hăm Anih pơgơ̆r pôk rơih rim tơring bơ̆jang kiơ̆ kơsô̆ hla ar chih răk kon pơlei oei sa, pơyua ăn tơdrong in păng asong kơthe bơngai tăh hla trŏ tơdrong hơgăt. Hơdai hăm ‘noh, pơđĭ 102 xăh, phường lơ̆m dêh char hlôi đei dăr hơlen, klăih song dôm hơnih tăh kơphiê̆u kiơ̆ 3 tăl sơđơ̆ng vă pơjing trong jang vei lăng trŏ lăp.
Viết bình luận