Khul bơ̆ jang hlôi dăr lăng hơnih tăh hla kơsô̆ 8 tơring Ea Nuôl; hơnih tăh hla kơsô̆ 60 păng 61 phương Buôn Ma Thuột; hơnih tăh hla kơsô̆ 21 phương Tân Lập. ‘Nou jĭ dôm hơnih tăh hla đei lơ bơngai tăh hla ‘noh bơngai kon kông păng bơngai tăh hla lui khop kơna bơ̆ jang hơmet ăn đei iung jang kơjăp, sơđơ̆ng ƀlep tơdrong tơchơ̆t.

Tơ̆ rim hơnih dăr lăng, Bí thư Đảng dêh char Lương Nguyễn Minh Triết atŭm hăm khul bơ̆ jang hlôi năm dăr lăng hloi hơnih jang, trong proh hơmet hơnih tăh hla, bơ̆ jang pơrô̆ tơbăt, sơđơ̆ng dơ̆ng kơjăp păng dôm tơdrong pơvih pơvăn ăn bơngai tăh hla lơ̆m năr pôk rơih.

Bí thư Đảng dêh char Dak Lăk athei Hơnih chĕp pơgơ̆r pôk rơih rim tơring hơnơ̆ng dăr lăng kơjăp rim hơnih tăh hla, hơmet ăn tôm tong trong jang vă iung jang ‘lơ̆ng hơmet pơ ‘lơ̆ng dôm tơdrong đei ƀôh ‘nao nhen tơdrong sơđơ̆ng, tŏ ‘mi kial dăh mă pơrang jĭ; adoi hơnơ̆ng hơlen băt hơdăh dôm tơdrong tơ̆ tơring.