‘Nou ‘măng hop akŏm tuch luch kơ jăl jang Kuô̆k hô̆i jăl XV. ‘Măng hop akom ou hlôi iung jang lơ tơdrong jang tih, hơmet pơ ‘lơ̆ng lơ “tơdrong tơhlăk tơhlĭn” găh trong tơlĕch jang, pơjing đei trong jang khôi luơ̆t tơgŭm ăn atŏk tơ iung jăl jang 2025-2030. ‘Nou jĭ nơ̆r sơkơ̆t hơdăh đơ̆ng lơ kơdră tang măt găh ‘ngoăih hop akŏm Kuô̆k hô̆i. Lơ̆m khei năr tơdrong lơ̆m teh đak păng apŭng plĕnh teh đei lơ tơdrong tơplih, Kuô̆k hô̆i jăl XV hlôi tơƀôh hơdăh jơhngơm nuih mơng, vei kơjăp păng sơkơ̆t hơdăh hơnăp jang lơ̆m tơdrong pơm pơkeh tơdrong tơchơt hăm trong tơlĕch ăn pơjing hơyak pran vă atŏk tơ iung; hơnơ̆ng atok kơtang bơ̆ jang dăr lăng vă pơjing đei rim tơdrong tơchơ̆t trŏ lăp kơjăp ‘lơ̆ng hăm tơdrong atŏk tơ iung mŭk drăm teh đak. ‘Măng hop akŏm ou hlôi pơjing đei lơ khôi luơ̆t ‘lơ̆ng hơ iă tơgŭm ăn Khul kơdră chĕp pơgơ̆r truh ou kơnh rơvơn hloh dơ̆ng lơ̆m tơdrong iung jang kiơ̆ trong tơlĕch jang tŏk mŭk drăm păng trong tơlĕch jang atŏk tơ iung teh đak.