Năr lêh đei vang năm đơ̆ng hloh 120 hơnih mơdro sa hăm lơ tơdrong vă jang păng trong tơchăr pơjing tơdrong jang. Năr lêh jei pơgơ̆r hop akŏm pơma dơnuh dih băl kơ rim bơngai tơchăr tơdrong jang hle tơƀơ̆p dih băl, tơbăt dih băl păng jang hơdoi vang lăng truh mĭnh tơdrong jang mŭk drăm atŏk tơ iung kơjăp ‘lơ̆ng. Tơdrong pơgơ̆r ou đei pơgơ̆r lơ̆m năr lêh pơjing đei jơhngơ̆m đon tơchă pơjing tơdrong jang, pơtrŭt kơtang tơplih kơsô̆, lang să rim trong pơtho tơbăt kmăi kmŏk lơ̆m jang sa pơm tơlĕch tĕch mơdro tơmam drăm.