Hơnih vei lăng kon pơlei dêh char hlôi pơjing Hơnih bơ̆ jang pôk rơ̆ih kơdră tang măt Kuô̆k hô̆i jăl XVI păng Kơdră tang măt Jơnŭm vei lăng kon pơlei dêh char jăl XIV, jăl jang 2026-2031 đei 37 ‘nu kang ƀô̆. Hơnih bơ̆ jang pôk rơ̆ih hlôi pơgơ̆r hop akŏm blŭng a vă tơlĕch tơdrong jang, pơdrơ̆ng kiơ̆ rim Tơdrong pơkăp bơ̆ jang, pơjao tơdrong jang ăn rim bơngai lơ̆m hơnih păng ăn tơgop nơ̆r trong vă pơjing Tơdrong tơchơ̆t pơjing khul jang pơvih pơvăn. Ƀok Hồ Văn Niên, Bí thư Đảng dêh char Quảng Ngãi athei rim kơdră lơ̆m Hơnih jang pôk rơih jang ‘lơ̆ng dôm tơdrong jang đei kơjap, băt hơdăh tơdrong, tơtom pơtho tơbăt păng tơgŭm djru tơring hơmet pơ ‘lơ̆ng tơnap tap, sơđơ̆ng rim trong hơmet ăn đei pơgơ̆r hơ iă, trŏ ƀlep khôi luơ̆t.