Pơma tơ̆ hop akŏm, Kơdră teh đak Lương Cường tơroi rơđăh: tơblăh jơnei 30/4/1975 rơngei pơđĭ tơring Pơbăh ‘noh jĭ 1 tơdrong jang tôch kơ tih lơ̆m jơhnơr hơrih hơdrĕch hơdrŭng Việt Nam. Lơ̆m tơblăh jơnei gĭt kăl ‘noh đei tơgop tih tên đơ̆ng jang tơbôl Việt Nam. Kơdră teh đak akhan, jang tơbôl hlôi hơvơn đei tơdrong tơgŭm tih tên pơđĭ hloi bơ̆n tơmam drăm păng jơhngơ̆m đon đơ̆ng dôm teh đak lơ̆m apŭng plĕnh teh, pơm đei tơdrong jang apŭng plĕnh teh să sap tơgŭm tơdrong iung jang trŏ ƀlep đơ̆ng kon pơlei Việt Nam.

Lơ̆m jơhnơr hơrih anglŏ 20, hŭi đei tơdrong tơblăh vang đơ̆ng hơdrĕch hơdrŭng hơ yơ mă akŏm đei tơdrong tơgŭm jơ̆p jang păng pran kơtang pơđĭ tơ̆ lơ̆m păng ‘ngoăih teh đak nhen hơdrĕch hơdrŭng Việt Nam. Hơdai hăm ‘noh, jang tơbôl hlôi jang hơdai kơjăp hăm khŭl lĭnh păng chĭnh trĭ “tơblăh răh, pơma đam răh”, kiơ̆ đơ̆ng noh jơnei ƀrư̆ ƀrư̆, pơm đei tơdrong ‘lơ̆ng hơnhăk tơdrong iung tơblăh iŏk rơngei tơring pơbăh, jơnei teh đak yak truh jơnei đĭ đăng.