Pơma nơ̆r pơtho tơ̆ Hop akŏm, Kơdră chĕp kơ̆l Ban Bí thư Trần Cẩm Tú tơchĕng ‘lơ̆ng dôm tơdrong jang đei mă Đảng ƀô̆ Anih pơvih ăn Trung ương Đảng hlôi iŏk đei lơ̆m jăl jang âu ki, hơiă hlŏh jĭ chĕp kơ̆l pơgơ̆r, bơ̆ jang đang ‘lơ̆ng tơdrong roi tơƀôh, pơvih ăn Khul kơdră chĕp kơ̆l Trung ương, mă hơdăh jĭ Anih tơm Chinh trĭ, Ban Bí thư, Kơdră chĕp kơ̆l Ban Bí thư lơ̆m tơdrong bơ̆ jang kiơ̆ dôm tơdrong Tơchơ̆t đơ̆ng Đảng, Tơdrong bơ̆ jang, sek tơlang dôm tơdrong hơnơ̆ng kơ đei đơ̆ng Đảng păng dôm tơdrong ‘nao đei plơ̆ng; jang hơdoi pơgơ̆r bơ̆ jang dôm tơdrong jang kơ dôm anih jang tơgŭm ăn Trung ương Đảng; vang roi tơƀôh păng pơvih ‘lơ̆ng hlŏh ăn Hop akŏm mă 13, adrin hơmet ăn Hop akŏm mă 14 kơ Đảng.

Ƀok Trần Cẩm Tú athei, Đảng ƀô̆ hơtŏk hrĕnh hlŏh dơ̆ng tơdỏng jang tơplih hăm kơmăy sô̆ păng hơmet ming trong vei lăng lơ̆m dôm anih jang Đảng; hơtŏk tơdrong iŏk yoa kơmăy kơmŏk tơroi tơbăt vă pơvih ăn tơdrong chĕp kơ̆l pơgơ̆r, atŭm hăm ‘nŏh vei kơjăp dôm tơdrong srĕp, kơsô̆ chih jô̆ đơ̆ng Đảng. Kŭm hăm ‘nŏh athei hơtŏk tơdrong tơiung pơjing Đảng ƀô̆ mât 1 ƀơ̆r đon, drơ̆ng pôm nơ̆r, rơgŏh ‘lơ̆ng, pran kơjăp găh chinh trĭ, đon tơchĕng, khul jang panwg jơhngâm đon; hơtŏk tơdrong chĕp kơ̆l, jơhngâm tơblăh đơ̆ng anih jang đảng./.