Lăp đơ̆ng rŏng mơ̆ng nơ̆r tơgop đơ̆ng rim bơngai tang măt, Kơ iĕng Thủ tướng Lê Tiến Châu pơma hơdăh, tơdrong jang tuch luch ‘noh kăl pơvih pơvăn ăn hloi tơdrong jang kiơ̆ Tơdrong tơchơ̆t kơsô̆ 66 kơ Trung ương, Nơ̆r pơma pơtôch kơsô̆ 09 kơ Trung ương păng Trong pơjing khôi luơ̆t jăl jang Kuô̆k hô̆i jăl XVI. Kơ iĕng Thủ tướng athei tơdrong tơm kơ ‘măng iung jang dăr lăng ou jĭ trong xek tơlang, ưh khan lăp dôm hla bơar. Kơ iĕng Thủ tướng athei bơngai chĕp kơl rim hơnih tơm, hơnih jang, tơring pơrô̆ kơtang păng chiu pŭ tơdrong jang keh đang, trŏ lăp lơ liơ kơ ‘măng dăr lăng. Dôm tơdrong hlôi ƀôh hơdăh, ƀlep kăl hơmet pơ ‘lơ̆ng dăh mă tơlĕch nơ̆r athei hơmet pơ ‘lơ̆ng hloi; iung jang hơdrol dôm rim tơdrong jang kăl sơnăm 2026 păng 2027.