Kiơ̆ Hơnih jang Tuyên yăo Trung ương, Hop akŏm đei pơgơ̆r vă tơgŭm ăn kang ƀô̆, đảng viên băt hơdah tơdrong tơm, tơdrong 'nao kơ dôm Tơchơ̆t; kiơ̆ kơ noh pơm hơdah tơdrong jang tơguăt hăm tơdrong hơrih, tơdrong gơh jang đei; tơgop hơtŏk sơnong jang kơ dôm jăl jang, hơnih jang đảng, bơngai chĕp kơ̆l lơ̆m hơnih jang pơm kiơ̆; vei sơđơ̆ng dôm Tơchơ̆t păng Tơdrong kăl lơ̆m jăl jang đei pơm jang trŏ ƀlep đơ̆ng Trung ương truh tơ̆ tơring; pơjing đei tơdrong drơ̆ng nơ̆r, hơtŏk đon lui, tơ-iung đon bơnôh chĭnh trĭ păng tơdrong tơplih tơchăr hơgei lơ̆m tôm Đảng, tôm kon pơlei, tôm khul linh, pơm jang đei jơnei dôm tơchơ̆t sơnong jang kăch mang lơ̆m jăl jang 'nao.

Dôm tơdrong đei băt hơdah tơ̆ Hop akŏm ou gô tơgop pơjing đei tơdrong hlôh vao atŭm, atŭm hăm noh pơjing đei tơdrong jang drơ̆ng minh lơ̆m hơnih jang Đảng păng tôm hơnih jang chĭnh trĭ.