Đơ̆ng rŏng kơ ‘nŏh, Trung ương bơ̆ jang lơ̆m khul, pơma nuh găh tơdrong hơmet ăn Hop akŏm mă XIV păng pôk rơih Quốc hội jăl XVI, pôk rơih Jơnŭm pơgơ̆r kon pơlei jơ̆p tơring jăl jang đơ̆ng 2026 - 2031. Anih tơm Chinh trĭ hôp tơgop nơ̆r găh hơnơ̆ng chih iŏk, tơl tơblang nơ̆r đơ̆ng Trung ương hlôi đei pơma nuh lơ̆m ‘năr 10/4 păng pơgê ‘năr 11/4, dôm tơdrong găh hơnơ̆ng hơmet ming khul bơngai jang lơ̆m rim anih jang chinh trĭ, hơmet ming anih vei lăng păng khul kơdră pơgơ̆r 2 tăl.

Mă hơdăh ‘nŏh tơdrong hơmet ming anih jang vei lăng tơ̆ dêh char; trong hơmet ming anih vei lăng tơ̆ xăh; hơnăp jang, tơdrong gơ̆h jang, hơmet mă lăp ‘lơ̆ng khul kơdră pơgơ̆r tơ̆ dêh char păng tơ̆ xăh; găh anih jang đảng, khul grŭp tơpôl, anih sek tơlang, Anih tơkêng, dăr hơlen tơdrong yoch; găh hơmet khul kăn ƀô̆, bơngai jang păng tơlĕch trong tơgŭm hăm kăn ƀô̆; găh vei lăng, iŏk yoa tơmam tơpôl đơ̆ng rŏng kơ hơmet ming./.