Tơ̆ hop akŏm, tang măt ăn rim hơnih bơ̆ jang teh đak, khul joăt jang mŭk drăm, hơnih mơdro sa păng khul Hơp tak xah hlôi tơlĕch lơ trong jang vă atŏk tơ iung trong choh jang sa rơgoh, pơm tơjur hơyuh pơnĭl, adoi nhen pơm hơtŏk kĕ pơjei ăn tơdrong jang mŭk drăm jang hơdoi. Kơ iĕng Thủ tướng Teh đak Nguyễn Chí Dũng pơma hơdăh, tơdrong tơplih rơgoh ‘lơ̆ng hlôi jing tơdrong kăl hloh hăm rim hơnih jang mŭk drăm. Khul kơdră teh đak pơkăp gô yak hơdoi, pơjing jơhngơ̆m pran ‘moi kiơ̆ rim trong bơ̆ jang, trong tơgŭm djru vă tơdrong jang mŭk drăm hơp tak xah atŏk tơ iung kiơ̆ trong hơgei păng jơnei. Kơ iĕng Thủ tướng athei lơ̆m khei năr kơnh, rim hơnih bơ̆ jang păng kơdră tơring tơlĕch jang jơnei trong jang tơgŭm djru, lơ̆m ou đei tơdrong Tơchơ̆t 57 vă pơjing hơyak pran ăn tơplih kơsô̆, jang kiơ̆ khoa hŏk kmăi kmŏk lơ̆m tơdrong bơ̆ jang kơ rim hơp tak xah.