Lơ̆m 5 năr pơdơ̆h lêh, đơ̆ng 29/8 truh 2/9, akŏm đĭ đăng kơsô̆ tơmoi truh chă tơmang lăng, tep pơdơ̆h lơ̆m dêh char Lâm Đồng dang 680.000 'nu bơngai, tŏk 15% pơting hăm khei 'nâu sơnăm sơ̆. Iŏk yoa đơ̆ng chă tơmang pơhiơ̆ jô̆ pơhlom dang 1.410 ti hlak jên. Tơmoi tep pơdơ̆h akŏm lơ đơ̆ng 'năr 29/8 truh 1/9. Kơsô̆ lăm tep pơdơ̆h jô̆ păh lăp đei dang 65-70%; hơdrô̆ dôm anih tep pơdơ̆h đơ̆ng 3-5 hơnglŏng đei dang 80-85%. Lơ̆m dôm năr kăl đơ̆ng 30/8 truh 1/9, lơ anih ƀĭch pơdơh truh kơsô̆ 100%. ‘Măng pơdơh sơnăm 'nâu, tơmang pơhiơ̆ Lâm Đồng đei pơgơ̆r 'lơ̆ng hơiă hăm lơ tơdrong jŏh ayŏ kơ dŏ xoang, ngôi pơchơt, chă tơmang lăng; Anih gre păr apŭng plenh teh Liên Khương bơ̆ jang dơ̆ng kŭm vang tơgop tưk tơiung tơdrong yak vih vât, sơng tơmoi. Kơjă lăm ƀĭch pơdơh păng dôm tơdrong pơvih pơvăn tơm oei sơđơ̆ng, tŏk ƀiơ̆ pơting hăm năr hmă; ưh đei ƀôh tơdrong pơgơ̆ kơjă, pơhlŭ tơmoi. Tơdrong sơđơ̆ng, vei lăng trong nơnăm, tang găn unh xa, pĭt unh xa păng sơđơ̆ng tơ̆ dôm anih, anih chă tơmang pơhiơ̆ đei vei lăng sơđơ̆ng 'lơ̆ng.