Mă kăl, Tơdrong tơchơ̆t oei tơpŭ yoch hinh sư̆ hăm hơnih jang, rim bơngai đei tôm rơvơn, lơ̆m ou đei tơchơ̆t ưh kơ sa pơgơ̆m pơjĭp, iung jang kơ yuơ đei iŏk yoa ăn tơpôl. Rim tơdrong iung jang tơmơ̆t jên jang, pơm tơlĕch, tĕch mơdro, jang kiơ̆ khoa hŏk, kmăi kmŏk, tơplih ‘nao tơchăr, tơplih kơsô̆ kăl keh đang păng hơnhăk đei iok jơnei; ưh kơ đei đe chă tơkêng dăh mă hlôi xek tơlang keh đang. Tơdăh đei pơm ăn hiong răm, brăh brư mŭk drăm lei kăl hơmet pơ ‘lơ̆ng tôm tong. Tơdrong tơchơ̆t jei ưh tơpŭ yoch hinh sư̆ hăm dôm bơngai tơƀơ̆p đei tơdrong, pơm hiong răm kơ yuơ jang kiơ̆ khoa hŏk, kmăi kmŏk, tơplih ‘nao tơchăr, tơplih kơsô̆, tơdăh hlôi pơm kiơ̆ ƀlep trong pơkăp, jang kiơ̆ tôm tong rim trong tang găn hơlou.