Hơlen ‘măng blŭng đei ƀôh dang 10-15 kơ̆l ƀô̆ đô̆i lôch dŏng teh đak, đei ƀŭ akŏm tơ̆ ou lơ̆m rim chăl sơnăm tơblăh vang sơ̆. Hloh 20’nu kang ƀô̆, ƀô̆ đô̆i păng dân quân găh Hơnih Ƀô̆ đô̆i dêh char hlôi sir kôch pơ ‘lơ̆ng teh tơmo, dônh akŏm păng chih kơsô̆ jô̆ hơlen rim tơmam drăm nhen găr ƀrơ̆m, git chai pơgang hơdrap ‘nŭng lơ̆m che ƀrê. Hơdrol kơ ‘noh, hơlen kiơ̆ hô sơ, dôm bơngai ƀôh kang bang kơl păng nơ̆r tơroi đơ̆ng dôm bơngai jang kŏng ang sơ̆ kơ tơring hlôi đei ƀôh 2 kơl đơ̆ng rŏng sơnăm 1975, khul bơ̆ jang hlôi vat tơring năm tơchă. Dang ei bơ̆ jang kôch akŏm hơnơng iung jang lang să tơ̆ bro păh ‘Măng jang tơm, tơdrong vă jang hơmet ming Thành cổ, Hnam chĭt pơgia Kŏng ang apŭng so atŭm hăm hơgăt teh rim ŭnh hnam oei tơtil vă hoei kơ lon.