Đơ̆ng hơtuch khei 6, Khánh Hòa tơlĕch Tơdrong jang 90 năr chưk pơ ‘ngoăih teh ăn dôm tơdrong jang tih, pơjing jơhngâm pran ăn dêh char. Truh dang ei, 13 tơdrong jang hlôi jang đang; 7 tơdrong jang hlôi jang đei đơ̆ng 50% tŏk tơ̆ kơpal păng gô jang đang hrôih tơdăh hơnơ̆ng hơtŏk hrĕnh tơdrong bơ̆ jang. 13 tơdrong jang nai oei bơ̆ jang tam mă truh 50%.

Tơdrong tơm pơm hiơ̆ hyĭn ‘nŏh yoa hla ar teh tôch mơmat, 1,2 anih jang vang jang hơdoi tam mă ‘lơ̆ng, hô sơ tam mă đei hơlen năng, pơklĕm hơdăh păng tam mă bơ̆ jang hăm kon pơlei. Anih vei lăng ming man dêh char Khánh Hòa hlôi chih hơnăn hăm dang 30 tơdrong jang tơm, akŏm găh dôm tơdrong jang đei jên jang đơ̆ng teh đak, tơring kơdrâm, hnam oei, chă tơmang lăng, jang kơmăy kơmŏk păng unh hơyuh… Hăm đĭ đăng jên tơmât jang đơ̆ng dang ei truh đĭ sơnăm dang 66.000 ti.