Tơ̆ rim hơnih truh, Kơdră chĕp pơgơ̆r dêh char Dak Lăk sơkơ̆t hơdăh, Đảng, Teh đak păng dêh char ling lang sơkơ̆t hơdăh trong jang lăng kon pơlei ‘noh tơm, tơdrong jang vei lăng năng tông hơrih sa, jơhngơ̆m đon ăn kon pơlei ‘noh mĭnh păh trong iung jang, minh păh hơyak pran atŏk tơ iung. Ƀĭ thư Đảng dêh char Dak Lăk Lương Nguyễn Minh Triết athei khul kơdră Đảng, khul kơdră chĕp pơgơ̆r tơring hơnơ̆ng dăr lăng, lăng ba tơtom truh hăm rim ŭnh hnam đei iŏk yoa ăn teh đak, ŭnh hnam dơnuh, dôm bơngai tơpôl lăng ba, sơđơ̆ng ăn rim bơngai, rim hnam jei đei sơng Têt joăt joe phĭ tơtŏ dơnŏ ‘lơ̆ng, tôm tong.