Tơ̆ tơring Xuân Nha, Kơđông ƀô̆ đô̆i vei lăng sơlam teh đak Chiềng Sơn iung jang hơdoi hăm rim hơnih jang pơgơ̆r “Puih mak Ƀô̆ đô̆i vei lăng sơlam teh đak, chhơp jơhngơ̆m đon kon pơlei”, pôk tơmam drăm ăn ŭnh hnam dơnuh, vă jê̆ dơnuh, ŭnh hnam đei iŏk yoa ăn teh đak păng hŏk tro hăm akŏp kon jên hloh 900 triu hlak jên. Kơdră chĕp pơgơ̆r hôn bơnê kơtang hơnăp jang, tơ iung vang iung jang hơdoi đơ̆ng khul Ƀô̆ đô̆i vei lăng sơlam teh đak lơ̆m vei lăng năng tông Têt ăn kon pơlei, vei kơjăp sơđơ̆ng tơring sơlam teh đak. Ƀlep lơ̆m jơ ‘năr ou, khul bơ̆ jang hlôi năm ngôi, pôk tơmam drăm ăn ŭnh hnam yă Đỗ Thị Nghị, tiểu khu 4, tơring Chiềng Sơn, jĭ hơkăn ƀô̆ đô̆i lôch dŏng teh đak; năm ngôi, bơ̆ jang hăm Hơnih vei lăng kon pơlei tơring Chiềng Sơn. Khul bơ̆ jang kơ Hơnih tơm vei lăng Choh jang sa păng Cham char hlôi pôk ăn 30 tơnô̆ tơmam drăm ăn 30 ŭnh hnam dơnuh, ŭnh hnam đei iŏk yoa ăn Teh đak, bơngai jang ŭnh hnam hơrih sa tơnap tap tơ̆ tơring Chiềng Sơn, Lóng Sập; pôk ăn 500 triu hlak jên tơgŭm ăn Hơnih mong jên kơ yuơ bơngai dơnuh dêh char Sơn La.