Lăp đơ̆ng rŏng năm tơmang hơnih chă tơchăr păng hŏk pơhrăm kơdih kơ đe hơdruh tơdăm tơ̆ ou, Kơdră chĕp pơgơ̆r Kuô̆k hô̆i Trần Thanh Mẫn hôn bơnê kơtang trong jang Hơnih tơm Kmăi kmŏk tơchăr TUMO kơ Armenia; Athei Kơ iĕng Thủ tướng Teh đak Trần Hồng Hà pơrô̆ athei chă tơchĕng hơlen lăng truh pơjing Hơnih tơm jang kmăi kmŏk lei lăi nhen trong jang TUMO kơ teh đak boăl, pơjing dơ̆ng hơnih pơtho pơhrăm tơgŭm ăn hơdruh tơdăm Việt Nam hŏk pơhrăm kơdih păng atŏk hlôh vao, mă kăl dôm tơdrong hlôh vao găh khoa hŏk-kmăi kmŏk, tơplih ‘nao tơchăr, kmăi kmok hơgei păng tơplih kơsô̆. ‘Nou jĭ mĭnh lơ̆m dôm tơdrong kăl hloh vă pơtho pơjing khul jang kmăi kmŏk kơsô̆ lơ̆m chăl ‘nao, chăl atŏk tơ iung kơ hơdrĕch hơdrung.